Қарыз алушы микрокредит шарты бойынша міндеттемелерін орындауға, соның ішінде микрокредит сомасын және сыйақыны белгіленген мерзімде төлеуге міндетті.

Міндеттемелер орындалмаған немесе тиісінше орындалмаған жағдайда келесі шаралар қолданылуы мүмкін:

– шарт талаптарына сәйкес тұрақсыздық айыбын (айыппұл, өсімпұл) есептеу;
– микрокредит сомасын және сыйақыны мерзімінен бұрын өтеуді талап ету;
– берешекті сотқа дейінгі өндіріп алуға, оның ішінде үшінші тұлғаларға беру;
– берешекті нотариустың атқарушылық жазбасы негізінде немесе сот тәртібімен өндіріп алу;
– талап ету құқықтарын үшінші тұлғаларға беру (цессия);
– берешекті өндіріп алуға байланысты қосымша шығындарды өндіру;
– шартта және Қазақстан Республикасының заңнамасында көзделген өзге де шараларды қолдану.

Мерзімі өткен жағдайда сіз микрокредит шартын қайта қарау туралы өтінішпен микрофинанс ұйымына жүгінуге құқылысыз.

Өтініште мыналар көрсетілуі мүмкін:
– мерзімін өткізіп алудың себептері;
– ағымдағы қаржылық жағдай туралы мәліметтер;
– басқа да растайтын мән-жайлар.

Микрофинанс ұйымы өтінішті қарап, келесі шешімдердің бірін қабылдайды:
– шарт талаптарын өзгертуге келісім беру;
– баламалы шарттарды ұсыну;
– бас тарту (себептерін көрсете отырып).

Микрокредит шарты бойынша міндеттемелер орындалмаған жағдайда микрофинанс ұйымы:
– тұрақсыздық айыбын (айыппұл, өсімпұл) есептеуге;
– берешекті өндіріп алуға, оның ішінде коллекторлық агенттіктерге беруге;
– берешекті өндіріп алу үшін сотқа жүгінуге;
– шартта және Қазақстан Республикасының заңнамасында көзделген өзге де шараларды қолдануға құқылы.

Егер сізде төлем бойынша қиындықтар туындаса:
– берешекті назардан тыс қалдырмаңыз;
– мүмкіндігінше тезірек қолдау қызметіне хабарласыңыз;
– берешекті реттеу мүмкіндіктерін нақтылаңыз;
– мүмкін болған жағдайда берешекті толық немесе ішінара өтеңіз.

2026 жылғы 1 шілдеден бастап finkelisim.kz бірыңғай цифрлық платформасы жұмыс істей бастайды. Ол бір уақытта бірнеше кредитор — банктер, микроқаржы ұйымдары не коллекторлық агенттіктер алдында кепілсіз тұтынушылық кредиттер бойынша мерзімі өткен берешегі бар азаматтарға арналған.
Негізгі артықшылықтары:

«Бірыңғай терезе» қағидаты: әрбір кредиторға жеке-жеке жүгінудің орнына сіз finkelisim.kz платформасында барлық кредитор қарайтын бір өтініш бересіз.

Бірыңғай кесте: берешекті өтеудің 5 жылға дейінгі (халықтың әлеуметтік осал топтары мен АӘК алушылар үшін 7 жылға дейін) бірыңғай кестесін алу мүмкіндігі.

Тегін: рәсімге қатысу тегін (2027 жылғы 1 қаңтарға дейін медиатор қызметтерінің шығыстарын омбудсмандар өтейді).

Өтініш беру критерийлері:

Екі және одан да көп кредитор алдында 90 және одан да көп күн мерзімі өткен берешектің болуы.

Жиынтық берешек 150-ден 1 600 АЕК-ке дейін (2026 жылы 648 750 – 6 920 000 теңге).

Берешек бойынша сот актілері мен мәжбүрлеп өндіріп алу шараларының болмауы.

Маңызды: Платформа ипотеканы, автокредиттерді және кәсіпкерлік қызметке байланысты қарыздарды реттеуге арналмаған. Өту үшін сілтеме: finkelisim.kz.

Анықтама телефоны: +77001801707